Jump to content

Դանա Դիլեյնի

Վիքիպեդիայից՝ ազատ հանրագիտարանից
Դանա Դիլեյնի
անգլ.՝ Dana Welles Delany
Ծնվել էմարտի 13, 1956(1956-03-13)[1][2] (68 տարեկան)
ԾննդավայրՆյու Յորք, Նյու Յորք, ԱՄՆ[3]
ԿրթությունՈւեսլեական համալսարան և Ֆիլիպսի ակադեմիա
Քաղաքացիություն ԱՄՆ
Մասնագիտությունդերասանուհի, ձայնային դերասանուհի, թատրոնի դերասանուհի, հեռուստատեսային դերասանուհի, կինոդերասանուհի և կինոպրոդյուսեր
Պարգևներ և մրցանակներ
danadelany.com

Դանա Ուելս Դիլեյնի (անգլ.՝ Dana Welles Delany, մարտի 13, 1956(1956-03-13)[1][2], Նյու Յորք, Նյու Յորք, ԱՄՆ[3]), ամերիկացի դերասանուհի, պրոդյուսեր և հեռուստահաղորդավար։

Չորս տասնամյակ տևած կարիերայի ընթացքում նա հաջողությունների է հասել թատրոնում, կինոյում և հեռուստատեսությունում։ Յոթանասունականներին և ութսունականների սկզբին հեռուստասերիալների և կինոնկարների բազմաթիվ դերերից հետո, 1988 թվականին նա ստացել լեյտենանտ Քոլին Մաքմերֆիի գլխավոր դերը «Չայնա բիչ» դրամատիկական հեռուստասերիալում, որը հետագայում գնահատվել է քննադատների և հանդիսատեսի կողմից։ Ստացել է նաև երկու «Էմմի» մրցանակ և հաղթել բազում այլ անվանակարգերում։

1991 թվականին սերիալի ավարտից հետո Դիլեյնին տեղափոխվել է կինոթատրոն և նկարահանվել «Զգայուն քուն» (1992), «Տնային տնտեսուհի» (1992), «Թումսթուն» (1993), «Դրախտային հաճույքներ» (1994), «Թռչեք տուն» (1996) և «Իսկական կինը» (1997) ֆիլմերում։ «Գերմարդու արտոնություն» ֆիլմում հնչյունավորել է Լոիս Լեյնիին։ Դիլեյնին ասել է, որ իրեն դուր են գալիս բարդ դերեր[4]։ 1990-ականների կեսերից Դիլեյնին ծառայել է «Սկլերոդերմա» հետազոտական հիմնադրամի խորհրդի կազմում։

2007 թվականից նա խաղացել է Քեթրին Մեյֆեյրի դերը «Հուսահատ տնային տնտեսուհիներ» հեռուստասերիալում։ 2010 թվականի սկզբին նա հրաժարվել է այդ դերից, «Մարմնի հետաքննություն» սերիալի համար, որում նա խաղում էր դոկտոր Մեգան Հանթի գլխավոր դերը մինչ 2013 թվականը։ 2011 թվականին ըստ «People» ամսագրի Դիլեյնին զբաղեցրել է իններորդ տեղն աշխարհի ամենագեղեցիկ մարդկանց ցուցակում[5]։ 2014 թվականին Դիլեյնին սկսել է նկարահանվել Amazon Studios-ի «Աստծո ձեռքը» սերիալում։

Վաղ տարիներ

[խմբագրել | խմբագրել կոդը]

Դանա Ուելս Դիլեյնին ծնվել է Նյու Յորքում։ Նրա ծնողները ունեցել են իռլանդական և անգլիական արմատներ[6]։ Մանկուց նա գիտակցել է, որ ցանկանում է դերասանուհի դառնալ[7]։ Դիլեյնին մեծացել է Կոնեկտիկուտ նահանգի Սթեմֆորդ քաղաքում։ 1974 թվականին ավարտել է Մասաչուսեթս նահանգի Անդովեր քաղաքում գտնվող Ֆիլիպսի ակադեմիան[8]։ Ավելի ուշ՝ 1974 թվականին, նա հանդես է եկել «South Pacific» մյուզիքլում, իսկ 1978 թվականին ավարտել է Ուեսլեյան համալսարանը, որից հետո որոշել է ուժերը փորձել դերասանական արվեստում և վերադարձել Նյու Յորք։ Նյու Յորքի սրճարաններից մեկում աշխատել է որպես մատուցողուհի և փոքր դերեր խաղացել հեռուստաշոուներում և հեռուստաֆիլմերում[9][10][11]։

Կարիերա

[խմբագրել | խմբագրել կոդը]

1980-ականներ. Վաղ կարիերա և «Չայնա բիչ»

[խմբագրել | խմբագրել կոդը]

1978 թվականին՝ համալսարանն ավարտելուց հետո, Դիլեյնին վերադարձել է Նյու Յորք։ Նախքան հեռուստատեսային դեբյուտը ABC-ի ցերեկային «Ռայանի հույսը» սերիալի դրվագում, նա սրճարանում մատուցողուհի է աշխատել։ Ավելի ուշ նա կնքել է երկամյա պայմանագիր՝ CBS-ի «Սերը կյանքի հանդեպ» սերիալում հերթական դերի համար։ 1981 թվականի հունվարի 2-ից 1981 թվականի դեկտեմբերի 1-ը նա խաղում էր Հեյլի Ուիլսոն Հոլիսթերի դերը CBS-ի «Ինչպես է պտտվում աշխարհը» սերիալում[12]։ Սերիալներից դադար վերցնելուց հետո նա առաջին անգամ հանդես է գալիս Բրոդվեյի «Կյանքում» ֆիլմում։ Միևնույն ժամանակ հանդես է գալիս նաև Նիկոլաս Կազանի «Լուսնային արյուն» ներկայացման մեջ։ Երկու դերերի համար էլ նա գովասանքի է արժանացել The New York Times-ի թատերական քննադատից[13]։

1983 թվականին Դիլեյնին Նյու Յորքից տեղափոխվել է Հոլիվուդ, որտեղ սկսել է խաղալ հյուր-դերեր ««Լուսնի լույս» դետեկտիվ գործակալություն» և «Մագնում մասնավոր դետեկտիվ» սերիալներում։ Նա նաև նկարահանվել է հեռուստատեսության երկու պիլոտային մասերում («Փողոցներ» (1984), «Քաղաքո» (1986)), սակայն երկուսն էլ անհաջող են ավարտվել։ Նա նաև նկարահանվել է մի քանի անկախ և հեռուստատեսային ֆիլմերում՝ խաղալով երկրորդական դերեր։ 1987 թվականին նա ստացել է իր առաջին գլխավոր դերը NBC-ի «Հաճելի մերժումներ» կարճատև սիթքոմում, որը պատմում է մի երիտասարդ զույգի մասին, որը տեղափոխվում է արվարձաններ հանգիստ կյանքով ապրելու համար։ Այս սիթքոմի ցուցադրությունը չեղարկվել է վեց դրվագների ցուցադրումից հետո։ 1988 թվականին Դիլեյնին խաղացել է «Դիմակահանդես», «Լուսինը պարադորի վրա» և «Փեթի Հերսթ» ֆիլմերում։

Դիլեյնին «Էմմիի» 1992 թվականի մրցանակաբաշխությանը

1988 թվականին Դելեյնը ստացել է իր ամենաառանձնահատուկ՝ բուժքույր Քոլին Մաքմերֆի դերը ABC-ի «Չայնա բիչ» դրամատիկ սերիալում։ Դիլեյնիի առաջին դերը անհաջող էր։ Հարցազրույցներից մեկում դերասանուհին ասել է, որ սերիալը ստեղծողները սկզբում կարծում էին, որ նա այնքան էլ գեղեցիկ չէ այդ դերի համար։ Ռեժիսոր Պոլ Շրյոդերի խորհրդով, որի հետ նա այդ ժամանակ աշխատում էր «Patti Hurst» ֆիլմում, նա կտրում է իր երկար մազերը՝ դարձնելով այն բոբ սանրվածք, կրկին մասնակցում է լսումներին և ստանում Քոլին Մաքմերֆի դերը[14]։ Սերիալը պատմում է մի երիտասարդ կնոջ մասին, որը Վիետնամի պատերազմի ժամանակ բուժքույր է աշխատում։ Առաջին իսկ դրվագներից նա նվաճել է հասարակության համակրանքը։ Տաբլոիդները գրել եբ նրա մասին՝ անվանելով նրան հեռուստատեսության նոր աստղ։ Սերիալում դերի համար չորս տարի անընդմեջ դերասանուհին առաջադրվել է հեռուստատեսային «Էմմիի» մրցանակաբաշխության գլխավոր «Լավագույն դրամատիկ դերասանուհի» անվանակարգում՝ երկու անգամ հաղթելով այն (1989 և 1991 թվականներին)։ Սերիալի հանրաճանաչության շնորհիվ կարճ ժամանակում բոբ սանրվածքը որոշ ժամանակ նորաձևության մեջ է մտել[15]։

1990-ականներ. Շարունակական հաջողություն

[խմբագրել | խմբագրել կոդը]

1991 թվականին՝ «Չայնա բիչ»-ի նկարահանումների վերջում, People ամսագիրը Դիլեյնիին ընդգրկել է աշխարհի հիսուն ամենագեղեցիկ կանանց ամենամյա ցուցակում։ Սերիալի ավարտից հետո ի տարբերություն հերոս բուժքույր Քոլին Մակմուրֆիի դերի, նա մեծ էկրանին սկսում է տարբեր դերեր ստանձնել։ 1992 թվականին նա խաղացել է նախկին թմրամոլի դեր «Զգայուն քուն» ֆիլմում, որի ռեժիսորն էր Պոլ Շրյոդերը[16]։ Նույն թվականին նա խաղացել է «Տնային տնտեսուհի» ռոմանտիկ կատակերգությունում ՝ մարմնավորելով Սթիվ Մարտինի ընկերուհուն։

Դիլեյնին 1991 թվականին

1993 թվականին Դիլեյնին խաղում էր Ջոզեֆինա Մարկուսի դերը արևմտյան «Թումսթոուն։ Վայրի արևմուտքի լեգենդը» ֆիլմում։ Այս ֆիլմում նրա խաղընկերն էր Քուրթ Ռասելը։ Նույն տարում նա «Բեթմեն։ Ֆանտազիայի դիմակը» անիմացիոն ֆիլմում հնչյունավորել է գլխավոր կին հերոսին։ Հաջորդ տարի նա ստանձնլ է BDSM տիրուհու առաջին գլխավոր դերը մեծ բյուջե ունեցող «Երկնային հրճվանք» քրեական կատակերգությունում, որը նկարահանվել է Էնն Ռայսի գրքի հիման վրա։ Ֆիլմում Դիլեյնին բոլորովին մերկ է ցուցադրվել։ Քննադատներից մեկը մեկնաբանել է, որ Դանան հիանալի տեսք ուներ, սակայն սցենարն էր սարսափելի[17]։ 2008 թվականին տված հարցազրույցում Դանան պատմել է հանդիսատեսի արձագանքի մասին։ Նա ասել է, որ ինքը այս ֆիլմում խաղալու համար գործնականում հարձակման է ենթարկվել բոլորի կողմից։ Մարդիկ դեռ պատրաստ չէին տեսնել, թե ինչպես է նա ոչնչացրել իր ստեղծած Քոլին Մակմուրֆիի կերպարը[18]։ Մեկ տարի անց նա նկարահանվել է անկախ կինոնկարում, որը կանանց գաղտնիքների և ֆանտազիաների մասին էր։ Ֆիլմի մասին կարծիքները տարբեր էին[19][20]։ Տասնամյակի երկրորդ կեսին քառասուն տարվա սահմանը հատած Դիլեյնին ավելի հանգիստ դերեր է սկսել ստանձնել՝ նկարահանվելով «Թռչել տուն» (1996) և «Արթնացում» (1998) ֆիլմերում։

1990-ականների ընթացքում Դիլեյնին նկարահանվել է տասը հեռուստատեսային կինոնկարներում և մինի-սերիալներում։ 1993 թվականին նա նկարահանվել է ռեժիսոր Քեթրին Բիգելոուի մինի-սերիալում, որտեղ նրա խաղընկերն էր Ջեյմս Բելուշին։ Քննադատները լավ ընդունեցին այս նախագծում Դիլեյնիի մասնակցությունը։ Entertainment Weekly-ի քննադատն իր ակնարկում գրել է որ պետք չէ անգամ փորձել հասկանալ Դիլեյնիի կերպարը, պարզապես պետք է վայելել նրա մասնակցության յուրաքանչյուր տեսարանը և վերջում իմանալ հերոսուհու մասին ճշմարտությունը[21]։ Հաջորդ տարի նա մարմնավորել է շտաբի պետին՝ HBO-ի «Ներքին թշնամի» ֆիլմում։ 1995 թվականին նա «Սիրտ ընտրել. Մարգարեթ Սենգերի պատմությունը» կենսագրականում խաղում էր բուժքույր Մարգարեթ Սանգերի դերը, ով քսաներորդ դարի սկզբին պայքարում էր կանանց վերարտադրողական իրավունքների համար[22][23]։ 1996 թվականին Դիլեյնին նկարահանվել է «Հույսի համար» սկլերոդերմայով տառապող անբուժելի հիվանդ կնոջ մասին պատմող կենսագրական հեռուստատեսային ֆիլմում, որից հետո դերասանուհին զբաղվել է բարեգործությամբ։ Ֆիլմը հիմնված է ռեժիսոր Բոբ Սադջեթի քրոջ իրական պատմության վրա, ով կյանքից հեռացել է այդ հիվանդության ախտորոշումից երկու տարի անց[24]։ Ֆիլմում նա ստիպված էր կատարել բարդ և թանկարժեք դիմահարդարում, ինչը տևել է մոտավորապես յոթ ժամ[25]։ Ֆիլմը գլխավորել է հեռուստատեսության վարկանշային աղյուսակը։ 1997 թվականին Դիլեյնին նկարահանվել է Ջենիս Վուդսի «Իրական կին» վեպի հիման վրա նկարահանված ֆիլմում, որտեղ նրա խաղընկերներն էին Անաբեթ Գիշն ու Անջելինա Ջոլին[26]։ Ֆիլմը, և առաջին հերթին, Դիլեյնիի խաղը դրանում քննադատների կողմից ստացել են մի շարք դրական ակնարկներ[27]։ Մի քննադատ իր ակնարկում գրել է, որ Դանա Դիլեյնին բարձր նշաձող է սահմանել այդ ֆիլմում և որ նա բարձր մակարդակով է խաղացել Տեխասի խարիզմատիկ ու խիզախ կնոջ դերը[28]։ Դիլեյնին նկարահանվել է նաև «Մահվան սպառնալիք» (1993), «Խաբեբաների հովանավոր» (1998), «Փրկարարներ։ Խիզախության պատմություններ։ Երկու զույգ» (1998), «Հարություն» (1999), «Սիրեններ» (1999) և «Ամերիկյան սիրո պատմություն» (1999 թ) ֆիլմերում։

1995 թվականին Դիլեյնին վերադարձել է Բրոդվեյան բեմ՝ հանդես գալով «Կառուցվածքներ» կարճամետրաժ պիեսում։ 1997 թվականի մայիսին նա թատրոնի ուսանողների հետ աշխատելու համար վերադարձել է Ֆիլիպսի ակադեմիայի Մայր բուհ։ 1996 թվականից 2000 թվականներին նա «Սուպերմեն» անիմացիոն սերիալում հնչյունավորել է գլխավոր հերոսուհուն։ 1998 թվականին Դիլեյնին մերժում է ստանում HBO-ի «Սեքսը մեծ քաղաքում» ֆիլմում Քերի Բրեդշոյի դերը խաղալու համար[29]։ Հետագա հարցազրույցներում նա նշել է որ շոուն ստեղծող Դարեն Սթարը ցանկանում է, որ ինքը մարմնավորի Քերիին, և որ նա իրեն տեսել է այդ դերում` դիտելով իր «The Bachelor Party Reverse» ֆիլմը, որում խաղում էր նաև Քիմ Քաթրալը։

2000-ականներ. Հեռուստատեսություն և «Հուսահատ տնային տնտեսուհիներ»

[խմբագրել | խմբագրել կոդը]

2000-ականների սկզբին Դիլեյնին շարունակել է իր կարիերան՝ նպատակ ունենալով նոր սերիալներով վերադառնալ հեռուստատեսություն։ Նրա առաջին նախագիծը անհաջող գանգստերական NBC-ի պիլոտ էր, որտեղ նա խաղում էր ՀԴԲ գործակալի գլխավոր դերը[30]։ 2000 թվականին նա նկարահանվել է «Կիրք» ֆիլմում, որտեղ նրա խաղընկերներն էին Քիֆեր Սադերլենդը և Ռեբեկա Դե Մորնան։ 2001 թվականին նա արժանացել է Էմմի մրցանակի՝ «Ընտանեկան իրավունք» իրավաբանական դրամայում հյուրի դերի համար։ 2001 թվականին նաև հանդես է եկել «Վերջնական ռիսկ» հեռուստաֆիլմում, գլխավոր դերով և որպես ֆիլմի պրոդյուսեր։ Քննադատները դրականորեն են արձագանքել նրա նոր ոճով կատարմանը։ Նրանք նշել են որ Դիլեյնին, ինչպես միշտ, գերազանց է էկրանին, նա անկախ է ի տարբերություն դերասանուհիների մեծամասնությանը[31]։

Դիլեյնին «Հուսահատ տնային տնտեսուհիներ» ֆիլմի խաղընկերների հետ GLAAD Media Awards մրցանակաբաշխության ժամանակ

2001 թվականի աշնանը Դիլեյնին Fox-ի «Փասադենա» սերիալում կատարել է ընտանիքի հոգեպես անկայուն մայրիշխանի դերը։ Քննադատները նրա նորարարական անկեղծության համար հավանել են նրա այս դերը։ Սերիալը ներկայացվել է որպես սև կատակերգություն[32]։ Շոուն մեկնարկել է եթերի չորս դրվագներից և սեպտեմբերի 11-ի իրադարձություններից անմիջապես հետո։ Հաջորդ տարում նա նկարահանվել Է CBS-ի «Սան Ֆրանցիսկոյի կլինիկա» սերիալում, գլխավոր դերում։ Ֆիլմը բժիշկների մասին է, որոնք անձնական կյանքում կեղտոտ գաղտնիքներ ունեն[33][34]։ Շոուն եթեր է հեռարձակվել չորեքշաբթի օրերին՝ NBC-ի «Օրենք և կարգ» սերիալից անմիջապես հետո, սակայն ալիքը տասնմեկ դրվագ ցուցադրելուց հետո չեղյալ է հայտարարել սերիալի ցուցադրությունը։ Դրանից հետո նա նկարահանվել է անկախ և հեռուստատեսային ֆիլմերում, ինչպիսիք են «Բանտարկյալ» (2002), «Մայրական ուրվական» (2002), «Պտտահողմ» (2003), «Հիշողությունների ժամանակը» (2003) և «Վաճառքի երեխան» (2004) ֆիլմերում[35]։ Վերադառնալով թատրոն՝ նա խաղացել է մի քանի հայտնի բեմադրություններում, որոնցից է «Ընթրիք ընկերների հետը»։ Քննադատները բարձր են գնահատել 2003 թվականին Շեքսպիրի «Ոչնչից շատ աղմուկ» բեմադրության մեջ նրա կատարումը, որի համար մի քննադատ Դիլեյնիի և դերասան Բիլլի Քեմփբելի դերասանական դուետը նկարագրել է «երջանկություն» բառով[36]։

2004-2006 թվականներին Դիլեյնին հաճախ էր հանդես գալիս որպես հրավիրված աստղ տարբեր հեռուստատեսային սերիալներում։ Այդպիսի հեռուստասերիալներից են «Օրենք եւ կարգ», «Հատուկ կորպուս», «Բոստոնի իրավաբանները», «Սեքսն այլ քաղաքում» և «Գալակտիկայի Աստղային հածանավը» սերիալները։ 2006 թվականին նա նկարահանվել է NBC-ի «Առևանգվածը» սերիալում։ Քննադատներից մեկը գրել է, որ Դիլեյնին ցույց է տվել իր հերոսի մի քանի բոլորովին տարբեր բնավորությունները այդ շոուում։ Նշել է նաև, որ նա և Հաթոնը (Թիմոթի Հաթոնը, սերիալում խաղընկերը) ավելի լավ կարող են խաղալ առանց բառերի, քան այլ դերասաններ լավ գրված երկխոսություններով[37]։ Այս շոուն նույնպես փակվել է մեկ եթերաշրջանից հետո։ 2006 թվականին դերասանուհին ներկայացրել է իր «Վիետնամցի բուժքույրերը Դանա Դիլեյնիի հետ» վավերագրական ֆիլմը, որը ստացել է Էմմի մրցանակ։ Ֆիլմում մանրամասն ցուցադրվում էր Վիետնամի ծանր աշխատանք։ 2007 եւ 2009 թվականներին Դիլեյնին նկարահանվել է նաև «Գեղեցիկ կյանք», «Հույսի ճամբար», «Երթուղի 30» և «Բազմակի սարկազմներ» անկախ ֆիլմերում։

2007 թվականին Դիլեյնին խաղացել է ABC-ի «Հուսահատ տնային տնտեսուհիներ» սերիալում, որտեղ մարմնավորել է գաղտնի նոր տնային տնտեսուհու՝ Քեթրին Մեյֆեյրի դերը։ 2004 թվականին սերիալի մեկնարկի պահին դերասանուհուն առաջարկվել է Բրե Վան դե Քեփի դերը։ Դիլեյնին մի քանի անգամ հրաժարվել է այդ դերից՝ պատճառաբանելով, որ նա չի ցանկանում առաջիկա տարիներին «տնային տնտեսուհու» դեր խաղալ։ Սակայն երբ սերիալի հեղինակ Մարկ Չերին 2007 թվականի սկզբին առաջարկել է աստղին մասնակցել սերիալի չորրորդ սեզոնում, դերասանուհին համաձայնվել է[38][39][40]։ Մոտ երեք տարի Դիլեյնին նկարահանվել է այդ սերիալում, սակայն 2010 թվականի գարնան սկզբին ABC-ն առաջարկել է նրան Մեգան Հանտի դերը «Մարմնի հետաքննություն» նոր հեռուստասերիալում։ Դերասանուհին համաձայնվել է խաղալ այդ դերը։ Նրա մասնակցությամբ վերջին դրվագը թողարկվել է 2010 թվականի գարնանը։ Այնուհետև Դիլեյնին 2012 թվականի գարնանը վերադարձել է սերիալի եզրափակչի ցուցադրությանը[41]։

2010-ականներ. Հետագա դերեր

[խմբագրել | խմբագրել կոդը]
Դանա Դիլեյնին 2010 թվականին

2010 թվականի սկզբին Դիլեյնին հյուրընկալվել է Castle-ի երկրորդ եթերաշրջանում, որից հետո ABC-ն որոշել է նրան տալ իր սեփական՝ «Մարմնի հետաքննություն» շոուն[42]։ 2010 թվականի հոկտեմբերին դերասանուհին Չիկագոյի կինոփառատոնին հանրությանն է ներկայացրել 2007 թվականին նկարահանված «Հարբած նավակ» անկախ ֆիլմը, որտեղ նրա խաղընկերներն էին Մալկովիչն ու Ջոն Գուդմանը։ Ֆիլմն արժանացել է Հանդիսատեսի մրցանակին[43][44]։ Դիլեյնին նկարահանվել է նաև 2012 թվականին թողարկված «Ազատ աշխատողներ» ֆիլմում, որտեղ նրա խաղընկերներն էին Ռոբերտ Դե Նիրոն, 50 սենթը և Ֆորեսթ Ուիթակերը[45][46]։

2010 թվականին սկսվել է «Դիակի հետաքննություն» ֆիլմի նկարահանումները, որտեղ Դիլեյնին սկսել է խաղալ փայլուն նյարդավիրաբույժ դոկտոր Մեգան Հանթի դերը, ով դժբախտ պատահարից հետո դառնում է դատաբժշկական փորձագետ[47]։ Ճակատագրի հեգնանքով, նկարահանումները սկսվելուց մի քանի շաբաթ առաջ դերասանուհին վթարի է ենթարկվում Սանտա Մոնիկայում։ Ավտոբուսը բախվում է նրա մեքենային։ Դանան իր հերոսուհուց շատ ավելի բախտավոր ճակատագրի է արժանանում, միայն վնասվում են նրա մի քանի մատնները։ Դիլեյնին իր կերպարը նկարագրում է որպես «բարդ, խելացի և, իհարկե, դժվար անձնավորություն»։ Առաջին սեզոնը, որը մեկնարկել է 2011 թվականի մարտին, դարձել է 2010-2011 հեռուստատեսային սեզոնի ամենատարածված նորույթը՝ ավելի քան 13 միլիոն հեռուստադիտումով ամենամյա վարկանշային աղյուսակում 13-րդ տեղը զբաղեցնելով[48]։ Ցուցադրությունը ունեցավ շատ դիտումներ, սակայն 18-49 տարեկանների դիտման ցուցանիշները ցածր էր։ 2013 թվականի մայիսին հեռուստաալիքը երրորդ սեզոնից հետո չեղյալ է հայտարարել հաղորդումը։ Այնուհանդերձ, հետագայում, Եվրոպայում ունեցած հաջողությունների պատճառով, ABC-ն սերիալն առաջարկել է կաբելային ալիքներին[49]։ 2013 թվականի վերջին ալիքն նորույթների ձախողման պատճառով ուզում էր սերիալը եթեր վերադարձնել, սակայն Դիլեյնին շուտով հայտնել է, որ նախագիծը չի վերադառնա[50][51]։

2011 թվականի ապրիլին People ամսագրի աշխարհի ամենագեղեցիկ մարդկանց ցուցակում Դիլեյնին իններորդ հորիզոնականում էր։ 2011 թվականի մայիսին նա հյուրընկալեց և արտադրեց «Հեռուստատեսության արվեստի և գիտությունների ակադեմիայի» ամենամյա մրցանակաբաշխությունը[52]։

«Մարմնի հետաքննություն» ֆիլմից հետո Դիլեյնին կաբելային հեռուստատեսության նախագիծ է փնտրել։ 2014 թվականի մարտին Amazon ստուդիայի «Աստծո ձեռքը» ֆիլմում նա խաղացել է գլխավոր դեր, որտեղ նրա խաղընկերն էր Ռոն Պերլմանին[53][54]։ Այդ ընթացքում նա մեծ դեր է խաղացել «Փարիզիեն» ներկայացման մեջ[55]։ 2015 թվականին Դիլեյնին ստանձնել է Բիլլի Քրիսթալի կնոջ դերը FX կատակերգական սերիալում՝ այդպիսով 1987 թվականից ի վեր առաջին անգամ վերադառնալով սիթքոմի ժանրին[56]։ 2015 թվականին Դիլեյնին նկարահանվել է ֆրանսիական «Չկա երկորդ շանս» մինի-սերիալում[57]։

Անձնական կյանք

[խմբագրել | խմբագրել կոդը]
Դիլեյնին (աջից) «Չայնա բիչ»-ի խաղընկերների հետ 2013թվականին

Դիլեյնին երբեք ամուսնացած չի եղել և երեխաներ չունի։ 2006 թվականին տված հարցազրույցում 50-ամյա Դիլեյնին ասում էր, որ ինքը անցել է 50 տարվա սահմանը և զգում է, որ պատրաստ է ամուսնանալուն։ Ասել է նաև որ չգիտի, թե ով է լինելու կողակիցը, բայց նա պետք է լինի խելացի, բարի և ունենա հումորի զգացում»։ Դրանից մեկ տարի անց նա հայտարարել է, որ երբեք չի ձգտել ամուսնության[58][59]։ 2010 թվականին հարցազրույցներից մեկում Դանան կրկին ցնցել է հանրությանը «Սեքսը 50-ից հետո» հայտարարությամբ[60]։ Ինչպես աստղն է ասել, նա սիրում է սեքսը 54 տարեկանում, այն տևում է մի քանի ժամ և դերասանուհուն տալիս հոգևոր բավարարվածություն։

2010 թվականին, Դիլեյնիին Prevention ամսագրի նոյեմբերյան համարում տված հարցազրույցում խոսել է բոտեքսի հետ ունեցած իր առաջին և միակ փորձի մասին[61]։ Այս ընթացակարգի պատճառով աջ աչքը փոքր-ինչ կախ է ընկել մյուսի համեմատ։ Երկար տարիներ նա դեմ է եղել պլաստիկ վիրաբույժների միջամտությանը արտաքին տեսքին և հայտարարել է, որ ցանկանում է բնական ծերանալ։ Նա հաճախ է հասարակության առջև հայտնվում առանց դիմահարդարման և հպարտանում է այդ տարիքում իր տեսքով։ Նա նախընտրում է առողջ սնունդ, ներառյալ բանջարեղեն, տոֆու, ձուկ, թեթև մակարոնեղեն և հաց։ Հատկանշական է, որ «Մարմնի հետաքննություն» ֆիլմում նրա կերպարը՝ Մեգան Հանթը, ով աշխատում է որպես պաթոլոգ, հրաժարվել է երշիկեղենից, ինչպես և դերասանը՝ այն նմանեցնելով մարդու աղիների[62]։

Բարեգործություն

[խմբագրել | խմբագրել կոդը]

1996 թվականին «Հույս կա» ֆիլմում նկարահանվելուց հետո, որտեղ դերասանուհին մարմնավորում է անբուժելի հիվանդ կնոջ, Դանան ակտիվ մասնակցություն է ունենում սկլերոդերմայի ուսումնասիրության հետազոտական հիմնադրամի կյանքում։ Նա իր ընկերոջ՝ Շարոն Մոնսկիի հետ միասին օգնում և ֆինանսական աջակցություն է ցուցաբերում հիմնադրամին՝ այս հիվանդության բուժումը գտնելու հարցում[63][64]։

Իննսունականներին Դանան ինտերնետում ակտիվորեն քարոզում էր իր գաղափարներն ու համոզմունքները, մասնավորապես, նա մասնակցում էր բազմաթիվ առցանց համաժողովների։ Նրա կայքը և ֆորումը, որտեղ դերասանուհին կիսվում է իր մտքերով երկրպագուների հետ, գործում էր 1996 թվականից։ Դանան երեք անգամ՝ 2001, 2006 և 2009 թվականներին հետազոտությունների համար գումար հայթայթելու համար հայտնվել է Celebrity Jeopardy! հեռուստաշոուում։ Դանան 2002 թվականին ասել է, որ սկլերոդերման շատ դեպքերում զրկում է կանանց ոչ միայն իրենց կյանքից, այլ նաև նրանց ընտանիքից և երեխաներից[65][66]։

Դանան հանդիսանում է «Ստեղծագործական կոալիցիա» իրավապաշտպան կազմակերպության տնօրենների խորհրդի անդամ։ 2009 թվականի օգոստոսին նա նշանակվել է կազմակերպության համանախագահ։

Դանան նաև աջակցում է ընտանիքի պլանավորմանը։ Նա 2006 թվականին, Նյու Յորքում մասնակցել է կազմակերպության 90-ամյակի տոնակատարություններին[67]։ Նաև մասնակցել է մի ծրագրի, որը խթանում էր նույնասեռ մարդկանց ամուսնության իրավունքը[68]։ Նա եղել է գեյերի և լեսբիների զրպարտության դեմ դաշինքի անդամ[69][70]։

Ծանոթագրություններ

[խմբագրել | խմբագրել կոդը]
  1. ↑ 1,0 1,1 Internet Movie Database — 1990.
  2. ↑ 2,0 2,1 Internet Broadway Database — 2000.
  3. ↑ 3,0 3,1 3,2 English Wikipedia community Wikipedia — 2001.
  4. ↑ Tuned In: 'Lone Star' brings cable-like edge to network TV
  5. ↑ «PEOPLE's Most Beautiful 2011: Jennifer Lopez : People.com». Վերցված է 2015 թ․ ապրիլի 15-ին.
  6. ↑ «Dana Delany -- Full Biography». The New York Times. Վերցված է 2009 թ․ հոկտեմբերի 14-ին.
  7. ↑ «Dana Delany». TV.com. CBS Interactive. Արխիվացված է օրիգինալից 2011 թ․ մայիսի 8-ին. Վերցված է 2015 թ․ ապրիլի 15-ին.
  8. ↑ The Phillipian. June 7, 1974
  9. ↑ «The Spokesman-Review - Google News Archive Search». Վերցված է 2015 թ․ ապրիլի 15-ին.
  10. ↑ «Notable Alumni». Wesleyan University. 2009. Արխիվացված է օրիգինալից 2012 թ․ ապրիլի 25-ին. Վերցված է 2009 թ․ հուլիսի 24-ին.
  11. ↑ Kehr, Dave (2009 թ․ հուլիսի 17). «About This Person». The New York Times. Վերցված է 2009 թ․ հոկտեմբերի 14-ին.
  12. ↑ «Hayley Wilson Hollister». Soap Central. Վերցված է 2015 թ․ ապրիլի 13-ին.
  13. ↑ Mel Gussow (1993 թ․ հունվարի 14). «Theater: Blood Moon, Of Crime and Revenge». The New York Times. Վերցված է 2009 թ․ հուլիսի 24-ին.
  14. ↑ «Dana Delany: Actress 35». Արխիվացված է օրիգինալից 2015 թ․ սեպտեմբերի 10-ին. Վերցված է 2015 թ․ ապրիլի 15-ին.
  15. ↑ Dana Delany Biography — Yahoo! Movies Արխիվացված 2010-06-05 Wayback Machine
  16. ↑ «Light Sleeper». Rolling Stone. Արխիվացված է օրիգինալից 2017 թ․ դեկտեմբերի 1-ին. Վերցված է 2015 թ․ ապրիլի 15-ին.
  17. ↑ «Page Not Found - Tampa Bay Times». Արխիվացված է օրիգինալից 2006 թ․ նոյեմբերի 15-ին. Վերցված է 2015 թ․ ապրիլի 15-ին. {{cite web}}: Cite uses generic title (օգնություն)
  18. ↑ «Dana Delany: 'I've tried hard all my life not to be a desperate housewife'». Mail Online. Վերցված է 2015 թ․ ապրիլի 15-ին.
  19. ↑ «'Live Nude Girls' but No Takers». latimes. Վերցված է 2015 թ․ ապրիլի 15-ին.
  20. ↑ «Live Nude Girls». Վերցված է 2015 թ․ ապրիլի 15-ին.
  21. ↑ «ABC's new Wild Palms». Entertainment Weekly's EW.com. Արխիվացված է օրիգինալից 2014 թ․ օգոստոսի 3-ին. Վերցված է 2015 թ․ ապրիլի 15-ին.
  22. ↑ Choices of the Heart: The Margaret Sanger Story — Trailer — Cast — Showtimes — NYTimes.com
  23. ↑ «Washingtonpost.com: The Hillary Dilemma». Վերցված է 2015 թ․ ապրիլի 15-ին.
  24. ↑ «For Hope (TV Movie 1996)». IMDb. Վերցված է 2015 թ․ ապրիլի 15-ին.
  25. ↑ «disfiguring makeups | facial disfigurement | Dana Delany in 'For Hope' | themakeupgallery». Արխիվացված է օրիգինալից 2011 թ․ հունիսի 5-ին. Վերցված է 2020 թ․ հոկտեմբերի 28-ին.
  26. ↑ TV WEEKEND — Wild West Supermoms, Waging the Right Wars — Review — NYTimes.com
  27. ↑ «True Women». 1997 թ․ մայիսի 18. Վերցված է 2015 թ․ ապրիլի 15-ին.
  28. ↑ «Spirituality & Practice: Film Review: True Women, directed by Karen Arthur». Վերցված է 2015 թ․ ապրիլի 15-ին.
  29. ↑ Desperate times ahead for Dana — TV & Radio, Entertainment — Herald.ie
  30. ↑ «Rule No. 1: Don't Rip Off The Mob». Newsweek. 3 апреля 2000. Վերցված է 2015 թ․ ապրիլի 13-ին.
  31. ↑ DANA DELIVERS AS D.A. Brings smarts to 'Jeopardy' telepic(չաշխատող հղում)
  32. ↑ «TIME Best & Worst 2001 -- TV». Արխիվացված է օրիգինալից 2002 թ․ փետրվարի 23-ին. Վերցված է 2015 թ․ ապրիլի 15-ին.
  33. ↑ «New prime-time lineup may test viewers patience». Արխիվացված է օրիգինալից 2008 թ․ հոկտեմբերի 22-ին. Վերցված է 2020 թ․ հոկտեմբերի 28-ին.
  34. ↑ «CBS makes stronger case for Letterman / Network is focusing on 10 p.m. slot for fall». SFGate. Վերցված է 2015 թ․ ապրիլի 15-ին.
  35. ↑ Dana Delany — Filmography — Movies & TV — NYTimes.com
  36. ↑ «Turbula - Summer 2003 - Review of "Much Ado About Nothing"». Վերցված է 2015 թ․ ապրիլի 15-ին.
  37. ↑ «'Kidnapped': A top-notch thriller with a killer cast». Արխիվացված է օրիգինալից 2015 թ․ հունիսի 10-ին. Վերցված է 2015 թ․ ապրիլի 15-ին.
  38. ↑ In Step WithDana Delany | Parade.com
  39. ↑ «Propects for Emmy acting awards — chicagotribune.com». Արխիվացված է օրիգինալից 2010 թ․ մարտի 2-ին. Վերցված է 2020 թ․ հոկտեմբերի 28-ին.
  40. ↑ TV: Predicting the Emmy Snubs — Newsweek
  41. ↑ «'Desperate Housewives' Lures Trio of Alums Back for Final Season». Hollywood Reporter. 2011 թ․ նոյեմբերի 23. Վերցված է 2012 թ․ մայիսի 19-ին.
  42. ↑ «TV & Radio Blog - www.ajc.com». Արխիվացված է օրիգինալից 2016 թ․ հունվարի 8-ին. Վերցված է 2015 թ․ ապրիլի 15-ին.
  43. ↑ «Chicago International Film Festival — films & schedule — Drunkboat». Արխիվացված է օրիգինալից 2010 թ․ հոկտեմբերի 5-ին. Վերցված է 2020 թ․ հոկտեմբերի 28-ին.
  44. ↑ «Drunkboat». Արխիվացված է օրիգինալից 2014 թ․ դեկտեմբերի 17-ին. Վերցված է 2015 թ․ ապրիլի 15-ին.
  45. ↑ Aleksandar Popovic. «Dana Delany Joins DeNiro, 50 Cent in Crime Drama Freelancers». FilmoFilia. Արխիվացված է օրիգինալից 2011 թ․ մայիսի 7-ին. Վերցված է 2015 թ․ ապրիլի 15-ին.
  46. ↑ Courtney O. (2011 թ․ մայիսի 4). «Dana Delany Joins 'Freelancers'». MovieWeb. Արխիվացված է օրիգինալից 2012 թ․ սեպտեմբերի 29-ին. Վերցված է 2015 թ․ ապրիլի 15-ին.
  47. ↑ «ABC's Fall Sked: Lots of New Shows for the Post-Lost Era». TIME.com. Վերցված է 2015 թ․ ապրիլի 15-ին.
  48. ↑ «2010-11 Season Broadcast Primetime Show Viewership Averages». TVbytheNumbers. Արխիվացված է օրիգինալից 2011 թ․ հունիսի 20-ին. Վերցված է 2015 թ․ ապրիլի 15-ին.
  49. ↑ Harnick, Chris (2013 թ․ մայիսի 23). «'Body Of Proof' Over: ABC Series Not Moving To New Home». The Huffington Post. Վերցված է 2013 թ․ մայիսի 24-ին.
  50. ↑ Munn, Patrick (2013 թ․ հոկտեմբերի 23). «ABC's 'Body Of Proof' To Return For Fourth Season?». TV Wise. Արխիվացված է օրիգինալից 2013 թ․ նոյեմբերի 3-ին. Վերցված է 2013 թ․ հոկտեմբերի 23-ին.
  51. ↑ «Sorry to disappoint some, but #bodyofproof will not be resurrected. May she rest in peace. Time for new adventures!». Վերցված է 2015 թ․ ապրիլի 3-ին.
  52. ↑ «Dana Delany to Host the Fourth Television Academy Honors». Television Academy. Վերցված է 2015 թ․ ապրիլի 15-ին.
  53. ↑ Natalie Jarvey (28 марта 2014). «Dana Delany Cast in Amazon Studios Pilot 'Hand of God'». The Hollywood Reporter. Վերցված է 2015 թ․ ապրիլի 3-ին.
  54. ↑ Nikara Johns (28 марта 2014). «Dana Delany to Star in Amazon Pilot 'Hand of God'». Variety. Արխիվացված է օրիգինալից 2015 թ․ ապրիլի 15-ին. Վերցված է 2015 թ․ ապրիլի 3-ին.
  55. ↑ Robert Hofler (23 апреля 2013). «Legit Review: 'The Parisian Woman'». Variety. Վերցված է 2015 թ․ ապրիլի 3-ին.
  56. ↑ Ausiello, Michael (2014 թ․ հոկտեմբերի 1). «Dana Delany Joins FX's The Comedians as Billy Crystal's Wife». TVLine. Արխիվացված է օրիգինալից 2015 թ․ մարտի 31-ին. Վերցված է 2014 թ․ հոկտեմբերի 4-ին.
  57. ↑ La République du Centre (2014 թ․ հոկտեմբերի 16). «Actu Médias - Alexandra Lamy bascule dans l'univers d'Harlan Coben pour TF1». www.larep.fr. Արխիվացված է օրիգինալից 2015 թ․ փետրվարի 3-ին. Վերցված է 2015 թ․ փետրվարի 3-ին.
  58. ↑ DELANY HOLDING OUT FOR A HUSBAND Արխիվացված 2009-12-11 Wayback Machine
  59. ↑ «Dana Delany Looking for Her Own Househubby!» (անգլերեն). PEOPLE.com. Վերցված է 2020 թ․ ապրիլի 9-ին.
  60. ↑ «DELANY LOVES SEX IN HER 50S». Արխիվացված է օրիգինալից 2010 թ․ նոյեմբերի 19-ին. Վերցված է 2020 թ․ հոկտեմբերի 28-ին.
  61. ↑ «Dana Delany: Botox caused eye to droop». USATODAY.COM. Վերցված է 2015 թ․ ապրիլի 15-ին.
  62. ↑ «Dana Delany Talks Botox, Droopy Eye, Anorexia». Արխիվացված է օրիգինալից 2013 թ․ հունվարի 10-ին. Վերցված է 2015 թ․ ապրիլի 15-ին.
  63. ↑ «Dana Delany Quotes and Trivia at MovieTome». Արխիվացված է օրիգինալից 2010 թ․ մարտի 2-ին. Վերցված է 2020 թ․ հոկտեմբերի 28-ին.
  64. ↑ «USATODAY.com - Robin Williams talks seriously about scleroderma». Վերցված է 2015 թ․ ապրիլի 15-ին.
  65. ↑ «アーカイブされたコピー». Արխիվացված է օրիգինալից 2008 թ․ դեկտեմբերի 25-ին. Վերցված է 2009 թ․ հուլիսի 23-ին.
  66. ↑ Ted Johnson. «Delany to top Creative Coalition». Variety. Արխիվացված է օրիգինալից 2013-02-05-ին. Վերցված է 2015 թ․ ապրիլի 15-ին.
  67. ↑ «Planned Parenthood Recruits Numerous Hollywood Celebrities to Promote Pro-Abortion "March for Women'». LifeSiteNews. Արխիվացված է օրիգինալից 2014 թ․ մայիսի 26-ին. Վերցված է 2015 թ․ ապրիլի 15-ին.
  68. ↑ «Site Temporarily Unavailable». Արխիվացված է օրիգինալից 2008 թ․ դեկտեմբերի 16-ին. Վերցված է 2020 թ․ հոկտեմբերի 28-ին.
  69. ↑ Daylife / Red Carpet Արխիվացված 2011-08-25 Wayback Machine
  70. ↑ «Dana Delany Pictures - 20th Annual GLAAD Media Awards - Arrivals - Zimbio». Zimbio. Վերցված է 2015 թ․ ապրիլի 15-ին.
Ստացված է «https://hy.wikipedia.org/w/index.php?title=Դանա_Դիլեյնի&oldid=10148452» էջից